فاطمه ابو العلا المقادير : ٤٠٠ جرام شعرية الملكة ٣ بصلات مقطعة شرائح ٢٥٠ جرام كبدة بقري مقطعة مكعبات ٢ حبة فلفل رومي أخضر ٣ معلقة كبيرة سمنة ١ كوباية مرقة لحمة ١ معلقة كبيرة خل أبيض ملح حسب الرغبة فلفل أسود حسب الرغبة
الطريقة : نحط معلقة سمن فى حلة على النار و ننزل عليها الشعرية، نحمرها لحد لما لونها يبقى ذهبي. في حلة تانية، ننزل معلقة السمنة على نار متوسطة لحد لما تسيح. و بعدين نضيف البصل، الملح والفلفل الأسود ونقلب لحد لما البصل يتكرمل ويطرى و لونه يبقى دهبي (حوالي ربع ساعة). نضيف مرقة اللحمة على البصل، نسخنهم لحد الغليان و بعدين نزود الشعرية المحمرة. نسيبهم يستوا لحد لما الشعرية تشرب المرقة. نسخن حلة متوسطة الحجم على درجة حرارة عالية و بعدين نضيف معلقة سمنة والكبدة. نشوح الكبدة لحد لمل تستوى ويبقى لونها دهبيى. نضيف الفلفل الرومي مع رشة ملح، الفلفل الاسود والخل ونقلب مع الكبدة لمدة دقيقتين و بعدين نشيل الحلة من على النار. ننزل الشعرية بالبصل في طبق التقديم ونزود الكبدة اللى جهزناها على الشعرية و تتقدم و هى سخنة.