قد يعجبك أيضاً
لما ابويا مات
السهم ف قلبي فات
بدمع العين بكيت
الحمل عليا زاد
وجعتني الذكريات
من قلبي له دعيت
بالرحمة والإحسان
لما ابويا مات
بانت كل الحقايق
مكنتش ليهم فايق
ف حض امي
اتراميت
هي اللي فاضلة ليا
من الدنيا وحسة بيا
مسحت دموع عينيا
وبتصبرني وتدعيلي
لما ابويا مات
من بعد الاربعين
والبيت كله حزين
اتغيرت النفوس
بيدوروا ع الفلوس
والورث والأراضي
وكأنهم مش منه
ولا من لحمه
ومن دمه
وفراقه
عنهم عادي
لما ابويا مات
بانت نوايا
الحاقدين
الجارحين
الظالمين
مش اهلي
دول اعادي
ضمير
ضعيف وخان
زمن
مالوش أمان
كله
انكشف وبان
لما ابويا مات
لما ابويا مات
مقالات مشابهه
آخر التحديثات
من قسم آخر
عاجل
راديو القمة
