فى حب مصر ( أبيات بقلم دكتور هشام خلف  

فى حب مصر ( أبيات بقلم دكتور هشام خلف  

 

قالولى بتحب مصر فقلت طبعا .. أكيد 
دة حب مصر مش بالخاطر ولا بالإيد 
دة حب مصر بيجري فى دمى 
جري طفل بريء فى يوم العيد

مصر ياصاحبي ماهيش باب زويلة 
ولا حاكم بأمر الله 
وإن كان إبنها فى بطنها ؛ لكن مهيش خنقاه 
مصر أم حنون تعرف كيف تشيل الولد 
وكيف تكون صيناه  
وكيف وقت اللزوم ينزل من بطنها زعيم  
ولسه الكلام ياصاحبي هايطول 
لما هييجى الفارس على حصانه ويطول 
بسيفه .. رقاب كل إللي خرجوا عن طوعها  
كتموا  نفسها وإتحالفوا علي ذلها وجوعها  
والفارس دة إبن جيش مصر 
وبكرة يجيها وينصرها  

والناس بتسأل ياصاحبي هنصبر وألا نتوفى  ؟!
قول للناس ياصاحبي هنصبر ونستوفى  
دة لسة الأمل موجود 
مادام ربنا موجود وبالظلم مابيرضي 
قالولى بتحب مصر فقلت طبعا  .. أكيد 
دة حب مصر مش بالخاطر ولا بالإيد  
دة حب مصر بيجري فى دمى 
جري طفل بريء فى يوم العيد  

مصر مهيش فرعون وهامان وشلة ناس  
حكام لا فيهم دم ولا إحساس 
مصر مهيش حاكم حفر قناة بالسخرة  
مصر مهيش حاكم لا يعرف رب ولا أخرة  
دى مصر هى الأبد  .. وكل دول زالوا وهايزولوا 
دى مصر لو يتهز منها (شعرة) كل جيرانها هايزولوا  
دى مصر هى الأصل مهما قالوا  .. ومهما هيقولوا  

وتقول بتحب مصر  ؟!!
اقولك طبعا  .. أكيد 
دة حب مصر مش بالخاطر ولا بالإيد 
دة حب مصر بيجري فى دمى 
جري طفل بريء فى يوم العيد

وأقدر أقولك ياصاحبي وكلامى بجد 
مصر بتحبك ياصاحبي وعمرها ما كرهت حد 
والحكم إللي طالك ياصاحبي .. ماهو برضه طايلنى  
أنا مش بحايلك ولا عايزك تحايلنى  ..
دة الغربة قدر مكتوب علينا وعلى الباقيين  ..
ان كنت من مصر أو سوريا أو  من فلسطين
دى الغربة موجودة طول ما الظلم موجود  
دى الغربة سايدة طول ما الظلام بيسود  

لكن أكيد بكرة الفجر طالع  .. ولحبنا هنعود  ..
وهييجى يوم أسألك : بتحب مصر  ؟!!
هتقولى : طبعا  .. أكيييد  ...
دة حب مصر مش بالخاطر ولا بالإيد  ..
دة حب مصر بيجري فى دمى ..
جري طفل بريء فى يوم العيد  ..
شعر : د/هشام خلف 
 (عام ٢٠٠٦) نظمت هذه الأبيات ردآ علي قصيدة طويلة إستفذتنى للشاعر الفلسطينى ( تميم البرغوثي ) كتبها يعتب فيها علي مصر لرفض الحكومة منحه الجنسية المصرية وأبعاده عن البلاد عندما تطاول على مصر وحكامها ... وكان مطلع قصيدة تميم :
قالولى بتحب مصر فقلت مش عارف 
المعنى كعبة وانا بوفد الحروف طايف 
والف مغزل قصايد فى الإيدين لافف
أنا لما اشوف مصر ع الصفحة بكون خايف     

ثم أكمل قصيدته الطويلة يتطاول فيها على مصر البلد التى تربي فيها هو وامه المصرية  .. فكتبت هذه الأبيات ردآ عليه بنفس الوزن وتفند ما ذكره من تجريح  لمصر وتاريخ مصر ..
أرجوا أن يعجبكم ردي عليه  .. 
د/هشام خلف

مقالات مشابهه

من قسم آخر


التقيمات

راديو القمة

radio

الأكثر قراءة

فيس بوك

a
;