قال المنتج رضا فهمي صاحب شركة ام ار ميديا للإنتاج الفني و التوزيع في تصريحات خاصة ان المخرج إبراهيم الباشا تسبب له بخسارة اكثر من مائتي الف جنيه. و تابع: «الباشا» فضل يزود مشاهد بدون علم السيناريست، لحد ما دمر الحدوتة تماما، وكل ما نكلمه يقول انا المخرج، وانا سيد العمل، وحسبونى في الاخر. و قال المنتج: لازم نحذف مشاهد، و نصور مشاهد تانى، ودى تكلفة كبيرة لان في ممثلين مش مصريين، و الممثلين المصريين في منهم مرتبطين باعمال اخرى يعنى الخساره هتزيد؛ علشان نقدر نصور ونلحق عيد الفطر. و أضاف: حاولنا حل الموضوع مع المخرج ابراهيم الباشا بشكل ودي اكثر من مرةر لتفادى اى خسائر لاى طرف لكن دون جدوى وحسبى الله ونعمه الوكيل . و تابع: الاستاذ ابراهيم كان بيهددنى اني لو اتكلمت هينزل المتريل على النت؛ لانه معاه نسخة من متريل الفيلم، و ان شاء الله هناخد الاجراءت القانونية فى النقابة، وجميع الجهات المختصة حيال ذلك، و حسبى الله ونعمه الوكيل.