رئيس مجلس الإدارةإسلام فراج

بص ف المراية قبل ما ترد

بص ف المراية قبل ما ترد
2018-06-08 17:46:18

نعبث ام نهرتل ام نحن فى المسار الصحيح ؟؟؟
على رأى الست اسعاد يونس بص ف المرايا وانا اولكم بص لنفسك الاول شوف انتا مين انتا أية ؟ قدراتك أية ؟ طب عايز أية ؟
تكون سياسي ولا اقتصادى ولا فنان تكونش عايز تكون رجل اعمال ؟ طب ومالة برجلينا دخلنا دائرة العالم الافتراضي ومش عارفين نخرج ولا خايفين نخرج لحسن ما نلاقيش زاتنا ؟
المشكلة انة عالم صنع مننا أو من غالبيتنا ابطال من ورق ايلي ما كانش بيفهم ف السياسة أصبح محلل سياسي وعندة معمل تحاليل ايلي ما كانش يعرف يعنى أية علاقات دولية فتح مكتب عقارات للعلاقات الدولية ..مش هى دى القضية الكبيرة لاء القضية الاكبر اننا بقينا عاملين زى جبلاية القرود الشجرة ايلي عليها قرود كتير نتلم حوليها ....بص ف المرايا ..شوف انتا عايز أية ؟ نفسك توصل لأية ..نفسك تكون أية ؟ طيب السؤال هو الغرب دة مش عندهم نت وفيسبوك وحاجات من دى ؟ طيب بلاش اليهود عندهم الحاجات دى ولا لاء ؟ ومع ذلك هما علماء واحنا أية ؟؟؟ مش هاقول علشان الناس ماتزعلش .النقد دة باقولة لنفسي قبل ماقولة للناس علشان ما حدش يفهمني غلط انا باجلد نفسي قبلكم
طيب ما تيجوا نستفيد كلنا من بعض ونخلى الفيس والشغل دة ادوات نستفيد منها كلنا من بعضنا هما عملوها أداة لمراقبتنا ومتابعتنا واحنا نخليهم يندموا على كدة ونحولها لأداة تفيدنا وتفيد مجتمعاتنا ونحاول ولو لمرة واحدة بس نتجمع على رأى
اة نسيت دا هما معتمدين فى الأصل على فرقتنا .يلة نكمل هيصة وطبلة وشخليلة وايلي عايز يهرى يهرى وايلي عايز يتفلسف يتفلسف .وايلي عايز يعمل بطل عن الناس يعمل .. بس خلوا بالكم نزيف وقت وفلوس ضايعين ع الفاضي صدقونى انا باستفيد من وجود بعض الاشخاص باستفيد من أراهم أفكارهم .تحليلهم للأمور دة حقيقي لكنهم قلة طب لية كلنا ما نستفيدش من بعض وايلي مش عارف يسال مش عيب .وكل واحد مننا يكون كل هدفة فائدة الآخرين فى كلماتة وبوستاتة ومعلوماتة ايلى بينشرها نثقف نفسنا بنفسنا ..نساعد بعض ودة ها يكون لة مردود على بيوتنا ورعايتنا لأولادنا وبناتنا .....هى الثورات نجحت في العالم الغربي لية ؟ لان ايلي قام بيها غالبيتهم مثقفين عارفين هما عايزين أية وعاملين ثورة لية ولما تخلص الثورة بيرجعوا لشغلهم ويتابعوا نتائج ثورتهم لكن اول مرة في التاريخ اشوف شعب بيتادب أو بيأدب نفسة علشان قام بثورة ..أول مرة اشوف شعب بيقول ياريتني ما كنت ثورت ...أول مرة اشوف شعب غضب من إدارة دولتة الفاسدة وبيرجع يقلهم اسف .. بجد ...دة تسموة أية ؟؟؟
بس والنبي بص ف المراية قبل ما ترد

 
 
 
 
أُضيفت في: 8 يونيو (حزيران) 2018 الموافق 24 رمضان 1439
منذ: 5 شهور, 7 أيام, 9 ساعات, 32 دقائق, 10 ثانية
0
الرابط الدائم

التعليقات

77125

راديو القمة

radio
البنك الأهلي المصري إعلان
القمة نيوز

استطلاع الرأي

هل تتوقع نجاح خطة وزارة الزراعة فى الحد من ارتفاع أسعار السمك؟
البنك الأهلي المصري
البنك الأهلي المصري
جميع الحقوق محفوظة 2017 © - القمة نيوز