رئيس مجلس الإدارةإسلام فراج

رئيس جمهورية .. حلم يراوض الكثيرون

رئيس جمهورية  .. حلم يراوض الكثيرون
2018-08-09 01:29:46
حلم يراوض كل من هو مشتاق خصوصا من العابثين الذين يعتقدون انهم مخضرمين سياسة او ارباب سياسة وهم مخاليل العقول والامثال كثيرة من هذا المدعو عبده افندي مشتاق الحالم بأن يكون رئيسا لمصر..
مقعد الرئيس ايضا مجرد عصا سحرية لبعض الاغبياء اللذين لا يدركون كم هو مليئ بالهموم والمسؤليات ولا اخفي ولما لا اكون انا رئيسا للجمهورية الواحد يتنغنغ وكل احلامه تبقي اوامر وبسافر ويسفسح والناس تعمله حساب... هكذا تفكير امثالي رغم ان كل هذا لا يحتاج ان اكون رئيس بالعكس لقد ادركت انني لو اصبحت رئيسا لافيع نغنغة ولا فسحة ولا قعده وسط العيال ولو حصل بخطوات محسوبه...
دائما علي المستوي الشخصي اجالس البسطاء فهم مني وانا منهم.. الي ان اضطرتني الظروف ان اجلس مع صاحب مهنه لا يستغني عنها الرجال واثناء كان يصول ويجول في ام رأسي سألني هو ايه حكاية رئيس حي الهرم اللي اتمسك برشوه ده .. فأجبت انا مش عارف الناس دي عايزه ايه مناصب ومكاسب والدولة مش مقصرة معاهم .. قفز قفزة اخري وسأل هي خركة المحافظين هتطلع امته؟؟ قلتله والله الحركه علي حد علمي امام سيادة الرئيس بس لسه فيه اجراءات امنيه بسبب امثال الجماعة اللي مش بيشبغوا دول ... وتابعته بالسؤال مازحا اما لو تتفاجئ ويكون اسمك في المحافظين الجدد دول؟؟
الا انه ثار غاضبا انا؟؟ قلت وليه لأ قال ياراجل والمصحف ولا اقبل اكون رئيس جمهوريه ياراجل هو الرئيس بينام؟؟ وفي الاخر مش عاجب حد ... سألته وليه لأ قال لاني مش هعدل عصر عمر بن الخطاب راح بعد كده هروح من ربنا فين.... قلتله ياسيدي فهمني قال لاني ممكن ومش ممكن د اكيد هعمل كده .. يعني مش معقول هكون رئيس جمهورية وابن اختي ابو دبلوم عاطل اكيد هشغله في مكان محترم ولما يروح مكان محترم ابقي انا اخذت ذنب واحد تاني افضل من ابن اختي قيس علي كده حاحات كتير... القصد لاني مش هعرف اعدل بين ميت مليون واحد ودول ملهم مش ولاد اختي دول هيبقو ولادي ومش هحقق العدالة صحيح هحاول بس مش هينفع.. لا لا ياعم انا كده رئيس جمهورية نفسي وبس ...
الرئيس كتر خيره بيفكر في كل حاجه عايز يأكل ويشرب وبعلم وبعالج ويبني ويعمر ويشغل والاهم اللي بيحاربهم في سينا ومش عايزين يخلصو انا عارف بينام ازاي ده؟؟
بعد كلام حضرته بطلت افكر في اهوائي الرئاسيه عشان اتفسح والناس تعملي تعظيم سلام وعملت زيه وقلت يكفيني اكون رئيس جمهورية نفسي ويمين علي يمينك انا كمان لا اقبل ان اكون رئيس جمهورية... انا ناقص مرض؟؟ الراجل جالنا شباب كبر يبجي عشرين سنه من كتر الهم وغير اللي بيتقال من الجهلا اللي بيقولو غلي الحاجه..وطبعا مش بتتقال حاف كده لازم غموس..
رغم انه قال هنتعب مع بعض ونتحمل كلنا مع بعض وكمان قال مش عشاني انا لا عشانها هي.. عارفين مين هي؟؟ هي دي تبقي مصر درع الامه .
ممسكناش الشمس في ايد والقمر في ايد وقال هنفطر كافيار ونتغدي مارون جلاسيه.. مش كده ولا ايه؟
أُضيفت في: 9 أغسطس (آب) 2018 الموافق 26 ذو القعدة 1439
منذ: 2 شهور, 12 أيام, 9 ساعات, 19 دقائق, 17 ثانية
0
الرابط الدائم

التعليقات

81323

راديو القمة

radio
البنك الأهلي المصري إعلان
القمة نيوز

استطلاع الرأي

هل تتوقع نجاح خطة وزارة الزراعة فى الحد من ارتفاع أسعار السمك؟
البنك الأهلي المصري
البنك الأهلي المصري
جميع الحقوق محفوظة 2017 © - القمة نيوز