أكد  اللواء عماد فوزي، الخبير في الشئون الأمنية أن الشعوب الاوروبية لديها ثقافة عالية جدا وبالذات الشعب الفرنسى لانه تقريبا منفتح على جميع ثقافات العالم وخصوصا الثقافة العربية وهم ليسوا بالشعوب الجاهلة التى تندفع وراء الغوغاء بدون هدف وبيعرفوا هم بيعملوا ايه وعلى فكرة بعض السيارات التى تم حرقها هم عارفين ان الدولة سوف تعوض اصحابها بالكامل وزيادة عشان كدة مش حتلاقى صاحب سيارة جرى وراء سيارته لاطفائها بل بياخد منها فقط قبل اندلاع الاحداث اوراقه ومستلزماته الهامة فقط ولن تجد سرقة او نهب للمحلات بل ممكن يكسر الزجاج فقط عشان عارف الدولة حتعوضه ولا يحرق محل الا نادراوغالبا اذا حد عملها حتلاقيه فرنساوى من اصل غير فرنسى وبيبلغوا عنه بقية المتظاهرين لانه عارف ان الحريق ممكن يمتد للسكان والارواح وتلفيات عالية جدا هم عارفين يقرصوا ودن ماكرون منين بدون ضرر حقيقى لا يمكن تعويضه بل سوف تتحمله الحكومة والنظام مش زى عندنا المواطن مالوش صاحب ولا دية دى شعوب بينها وما بيننا مائة مليون سنة ضوئية هو خد منك فقط كيفية النزول للشارع والتظاهر ثم زود عليه كيف يمكن التظاهر بدون خطر حقيقى يهدد المواطن زميله بدون تعويض ومن يفعل ذلك حتلاقيه بنسبة 99فى المية مش اصل ولادته فرنسى اما بقى بعض الاراء التى اراها من ان المظاهرات وراءها مؤمرات من خارج او داخل فرنسا الكلام ده مع الشعوب الجاهلة المتخلفة مش الشعوب الاوروبية وخاصة الشعب الفرنسى .