اليوم بدأ الساعة 3 مساء، بمجموعة أغاني قدمها "بيشوي وروماني"، اللي غنوا "أهو ده اللي صار" لسيد درويش و "شجر الليمون" لمحمد منير و "البحر بيضحك ليه" للشيخ إمام عيسى.
بعدها قدم فريق بانوراما معرض أحلام_للبيع وعرض حواديت برشاوية اللي لأول مرة يتقدم في الشارع، والعرض مشارك في مهرجان مسرح بأسيوط منتصف الشهر الجاي
بين العروض اتقدم أكتر من اسكتش كوميدي لأعضاء الفرقة.. وكمان من الجمهور اللي شارك معاهم وقدم عمر من نزلة البرشا مواهبه الفنية في فقرة ارتجال.

ختام الحفل النهارده كان مفاجأة محضرها الشاعر "محمد عوني" للجمهور، بعد غياب طويل عن المشاركة في حفلات بانوراما، قدم لنا قصيدة جديدة اسمها "قالت لصاحبتها"، اللي أثرت في كل الحضور، وختمنا اليوم بأغنية "كلنا عايزين سعادة" أو "مونولوج السعادة" لإسماعيل ياسين