التقى مراسل القمه نيوز الفنان الصاعد احمد نور ، وقمنا بعمل اطلاله صحفية على اعماله الفنية ومشواره فى دنيا التمثيل . آلفنان احمد نور فى البدايه عاوزينك تكلمنا شويه عن احمد نور وبداية مشواره فى عالم التمثيل السينمائى ... - اولا انا بشكر حضرتك واسرة الجريده على تشريفكم لينا النهارده. - انا احمد نور بدات مشوارى الاول كنت بعمل حلقات فى ١٠٠ سنه سينما طبعا مع المبدع الاستاذ تامر المصرى اللى بعتز دايما بالعمل معاه وبعدين اتعرفت من خلاله على الاستاذ محمد نعمان ابو العز الراجل المحترم طبعا عجبه اداءى واسند ليا دور فى فيلمه الجديد القيصر الفنان احمد نور ؛ فكرة التمثيل كانت فكره من جواك انت ولا فى حد معين شافك وقالك يا احمد انت تنفع ممثل وشجعك على كده ؟ - والله فكرة التمثيل بدات معايا بهزار وكده هو انا بحب السينما لكن كنت بهرج مع اصحابى وكده وبعدين العمليه قلبت معانا بجد روحت اجرب بقى مع المبدع تامر المصرى وعملت ١٨ حلقه معاه فى ١٠٠ سنه سينيما والحمد لله اخدت ادوار بعد بعد كده اخرهم فيلم القيصر .. ايه اكتر مشهد اديت فيه بابداع والمخرج قال لك ممتاز ومقلكش استوب او نعيد كمان ؟ - اكتر مشهد كان دور الحارس الخاص فى فيلم القيصر مع الاستاذ محمد نعمان ابوالعز طبعاانا عملت المشهد بطريقه ممتازه وعجبت المخرج قوى واثنى عليا في المشهد ده تحديدا وانا بعتبر فيلم القيصر نقله كبيره وخطوه مهمه فى طريق النجوميه .. فى نيه عند احمد نور لخوض الاعمال الدراميه مسلسلات وكده ؟ - اكيد طبعاالفنان يعمل اى حاجه سينما وتليفزيون ومسرح ده شىء طبيعى وان شاء الله قريب قوى فى اعمال دراميه ... عملك مع المخرج محمد نعمان فى ظل ما يتمتع به من حب النتس وثناء نقابة الممثلين عليه هلى ده له اثر على اعمالك ولادوار اللى بتقوم بيها معاه ؟ - طبعا مفيش شك المخرج محمد ابوالعز راجل محترم ومعنى ان النقابه تتكلم عنه وتثنى عليه ده دليل على ابداعه فى عمله كمخرج وده طبعا بيديله دفعه هو وفريق العمل بتاعنا كلنا... الفنان احمد نور ؛ فى نهاية اللقاء بنشكر حضرتك جدا ونتمنى لك مزيد من التقدم والنجاحات . -- شكرا جزيلا ليك يا فندم ولكل اسرة الجريده