اكدت المهندسة هايدي كسابي،مؤسسة حملة " فرحني شكرا " علي اهمية مساعدة الناس الي بعضها و قالت ( فرحني شكرا حملة بتفرح الناس و بنحاول ننشر فكرة فرح غيرك لو لقيت حد محتاج مساعدة و تقدر تساعده ساعده و خليك سبب فرحته ( اسعد تسعد ) ولو كلنا ساعدنا بعض محدش هيبقي محتاج ، كما انها نوهت عن اختيار الشعار الخاص بهم و هو ( احنا السند ) مشيرة الي ان الشعب المصري دائما سند الي بعضه البعض و انه شعار الحملة ليواجهوا صعوبات الحياه مع الناس ،مضيفة الي اننا بدائنا الحملة معتمدة علي اقامة الافرح للغير مقتدرين او بمبالغ رمزيه او مبالغ مخفضة بينما فكرة الحمله لم تقتصر فقط علي الافراح بل شملت ايضا الكثير من الخدمات كتشطيب و فرش الشقة باسعار مخفضه ، توفير وظائف ،دعم مشاريع السيدات الارامل و المطلقات ، دعم مشاريع الشباب ، جهاز العروسه ،فريق تعليمي للمؤسسات الخيرية ، زيارات المؤسسات الخيرية و توفير خدمات طبيه كما انها اضافت و مازال التوسع قائم مادام في مساعدة الناس ،و يساعد علي نجاح اي عمل فريق العمل و الذي رحب بفكرة الحملة و العمل علي خدمة الناس ......
-تقول ندي وليد المسؤلة عن العلاقات العامة ( حبيت اكون من فريق فرحني شكرا ( علشان هي هدفها خير وهنقدر نساعد ناس كتير و نفرح ناس اكتر ،وعلشان الفكرة جديدة و مميزة و بعد انضمامي للحملة حسيت اني لقيت نفسي في المكان دا و بنتعامل ان كلنا عيله و فريق هدفنا واحد )
-اما تسنيم عادل مسؤلة الخدمات علقت قائلة ( انضميت للحملة علشان حابة و عايزة اساعد الناس ، مساعدة الناس ليها متعة خاصة و فرحتنا متتوصفش لما بنشوف فرحتهم )
اما بالنسبة لفريق الحملة الخدمي ف قال صلاح امين مصور فوتغرافي (سمعت عن الحملة دي من احمد عبدالله صاحبي و هو منضم فيها بالفعل مسؤل فريق المنوفية سالته عن الحملة شرحلي الفكرة و طريقة مساعدتهم للناس حبيت الفكرة جدا و حبيت انضم للحملة فورا علشان اساعد لان اهم حاجه ان الانسان يعمل خير من غير مقابل و د اكبر سبب لدخولي الحملة و بعد انضمامي للحملة حبيت الحملة اكتر و حبيت كل الفريق و بحس اننا عيلة )
مصطفي سليط هو احدي فريق فرحني شكرا يقول ( انضميت لفريق فرحني شكرا عن طريق الصدفه كلمني صاحبي من فريق الحملة قالي محتاجينك تصور برومو بكره للحملة الخيرية اللي انا فيها نزلت بالفعل و صورت و اتعرفت علي الفريق و طلبت اني انضم معاهم و اشارك معاهم في فرحة الناس )
مؤمن علم الدين هو مصور فوتغرافي و سنيما توجرافي يشارك في الحملة يقول ( شوفت فكرة الحملة علي النت و عجبتني جدا لانها جديدة و بتفرح الناس في اهم يوم في حياتهم و يوم مش بيتكرر و بعتلهم رسالة اني حابب انضم ليهم اتواصل معايا الفريق و بالفعل نزلت معاهم و اجمل حاجه فرحت الناس و الاطفال و المرضي لما بنزورهم فرحني شكرا اسم علي مسمي )
ايمن شريف مصور فيديو اخبرنا ( عرفت الحمله من علي النت من خلال اصحاب ليا مشركين فيها و بعت رسال للحملة انضم ليهم لاني حبيت فكرة الحملة جدا و خاصة اني شغال في نفس المجال و عندي القدرة اني اقدر اساعد حملة فرحني شكرا و فكتها الممتازة في مساعدة الغير )  و اكدت "هايدي"،حرص الحملة علي نشر توعية المشاركة و تيسير الزواج و محاربة المغالاه في متطلبات الزواج