قدمت الفنانة سما المصرى الشكر للاعلامي محمد جمعة تجاة زيارتها الاخيرة لمستشفي اطفال ابو الريش وقالت شكرا للاعلامي المحترم محمد جمعه مش عشان هو نصفني في زيارتي لمستشفي ابو الريش لا شكرا لانه قال كلمه حكمه فعلا حقيقيه وهي ان البلد ادتنا كل حاجه تعليم مجاني وطرق نمشي عليها وامن في الشارع احنا اديناها ايه؟؟ساعدنا الغلابه بايه؟؟حتي الكلمه الحلوه والابتسامه في وجه المريض مابنكلفش نفسنا ولا بنروح حتي نزورهم ونضحك في وشهم...هتقولوا وضع البلد مش حلو والدنيا بايظه؟؟ وتصبوا فشل اي مسئول علي عدم زيارتكم للمريض؟؟لا كل دا ملوش علاقه باللي راقد علي السرير لا حول له ولا قوه سواء الدوله مهتمه به ولا لا دا ممكن يكون اخوك او ابنك مستني تروح له بس تقوله الف سلامه وشد حيلك وهتبقي كويس تحسسه انه مش لوحده...تخيل نفسك راقد في سرير ونفسك حد يدخل يطمن عليك...خد له حتي ورده في ايدك او من غير حاجه خالص ادخل امسك ايده وقوله شد حيلك هيفرح ونفسيته هترتاح ويمكن ضحكتك او مسكتك علي ايده تكون هي السبب في شفاءه وفي الاخر المشوار والطريق اللي هتمشيه لحد عنده هتاخد فيه بكل خطوه ثواب عند ربنا احسن من كل حاجه...#زوروا المريض واضحك في وشه....